 |
Web Hosting by Netfirms | Free Domain Names by Netfirms |
|
|
|
Ang tigmo-tigmo usa ka paboritong kalingawan sa mga Sugbuanon sa mga nangaging panahon. Ambot lang kaha karon. Sa among banay, kaniadtong gagmay pa kami, magtigmo-tigmo mi uban sa among Nanay ug Tatay. Ang kasagaran sa mga tigmo dinhi gikan nila ug ang uban gikan sa lain-laing mga tinubdan.
| Ang gilung-ag kalayo, Ang gisugnod tubig. |
|
| Usa ang misuong, Duha ang mikuot. |
|
| Nagkorona dili hari, Nagkapa dili pari, Mosayaw dili pastores, Mokanta dili kantores, Mobirig aron pagdani sa pagbati. |
|
| Mananap nga kahibulongan kaayo Kay ang tiil naa sa ulo. |
|
| Maldito si David, gisamaran ang kilid, Gilubag ang dunggan, gigulgol ang tiyan. |
|
| Sinugdanan sa kataposan, Ug anaa sa kalibutan, Anaa sab sa utok ug kasingkasing, Apan wala sa unod. |
|
| Gamay pa lang gani akong amigo, Makasaka na bisan taas kaayo. |
|
| Gidala mo siya, Gidala ka niya. |
|
| Sa layo pa, ikaw makaila, Apan sa duol na, ikaw mangutana. |
|
| Misalom aron moinom, Mitungas aron mosuka. |
|
| Kaban sa Katsila, Kon ukbon pulos mutya. |
|
| Tunob sa Katsila, Tumban dili mapalą. |
|
| Isda sa Maribiles, Ang ilawom pulos himbis. |
|
| Usa sa Manila, Duha sa Iloilo, Wala sa Sugbo, Apan anaa sa tumoy sa Pasil. |
|
| Ang dahon mora'g espada, Ang bunga mora'g botelya. |
|
| Sa gamay pa, submarino, Pagdako na, eroplano. |
|
| May linung-ag sa pungtod, Nabukalbukal bisan wala'y sugnod. |
|
| Kon mo-ulan, mabantok. Kon moinit, malapok. |
|
| Pagtanom, tae sa kanding. Pagkalot, tae sa iring. |
|
| Ang inahan nagkamang pa, Ang anak naglingkod na. |
|
| Kamote sa Leyte, Sa ilawom paniti. |
|
| Tartanilya sa Tayod, Ang nagsakay mao'y nagaguyod. |
|
| Ako'y may sakayan nga pragata, De la cruz ug de la letra, Daghang tawo nga karga, Wala'y mitingog bisan usa. |
|
| Balay ni Kulas, Namunga'g daghang perlas. |
|
| Duha ka sundalo, Sulod-gula sa kampo. |
|
| Sa buntag, upat ang tiil. Sa udto, duha ang tiil. Sa gabii, tolo ang tiil. |
|
| Ulo ni Maria, Napuno og mata. |
|
| Tigmo-tigmo agukoy, Ugma na kita mag-asoy. |
