 |
Web Hosting by Netfirms | Free Domain Names by Netfirms |
|
|
|
Ang tigmo-tigmo usa ka paboritong kalingawan sa mga Sugbuanon sa mga nangaging panahon. Ambot lang kaha karon. Sa among banay, kaniadtong gagmay pa kami, magtigmo-tigmo mi uban sa among Nanay ug Tatay. Ang kasagaran sa mga tigmo dinhi gikan nila ug ang uban gikan sa lain-laing mga tinubdan.
| Bukog ug panit, Naglupad-lupad sa langit. |
|
| Gamay ko'ng amigo, Balay gilukdu-lukdo. |
|
| Balay ko sa Bantigue, Usa ra'y haligi. |
|
| Namatay si Takyo, Gilubong nagsiwil ang ulo. |
|
| May higala ako'ng Negro, Sige'g sunud-sunod asa man ako moadto. |
|
| Ang gigawsan, kon balihon, Mao ang nigawas. |
|
| Kuraw2 de la puraw, Dili kalutsa'g kabaw, Apan kalutsa'g tungaw. |
|
| Gikutaw ang lugaw, Midagan ang tinap-an. |
|
| Akong kalibutan, naa sa gawas ang yuta, Naa ang tubig sa tunga. |
|
| Sige'ng lukut-lukot, sige'ng lukut-lukot, Wala gayu'y pagkalukot. |
|
| Kaban sa pari, Ukbon dili na mauli. |
|
| Ingon ka naa ka, Adto ko, wala man ka. |
|
| Dili hari, dili rayna, Apan sa ulo may korona. |
|
| Itom nga babaye, Hinlo og agi. |
|
| Buhok ni Maria, paspas motubo, Apan dili gayud mapangko. |
|
| Dinhi ka ra butò1, Maglakaw-lakaw ra ko'g akò. |
|
| Sa ilawom kabato-an, Sa ibabaw kadarohan. |
|
| Sa ilawom kabato-an, Sa ibabaw katunokan. |
|
| Daghang minatay, dili mamangon, Usa ra'y lungon. |
|
| Balay ni Ikâ, Napuno'g tae sa ilaga. |
|
| Gamay nga barko, Napuno og Negro. |
|
| Ang kabayo ni Adan, Kon sakyan dili modagan. |
|
| Utin ni lolo Ligid-ligid sa abo. |
1 Ang butò (scrotum) sa Binisaya sa Southern Leyte gihubad nga lagay sa Sugbuanong Binisaya.
2 Sa ubang bahin sa Kabisay-an, ang Sugbuanong kural nailhan sa kuraw.
