 |
Web Hosting by Netfirms | Free Domain Names by Netfirms |
|
|
|
QUICK BUTTONS
Use the buttons on the right to navigate quickly through the sections of this site.
|
         
|
Unsa Ni?Ang mga balak ug garay niining mga panid akong gihalad ug gipahinungod alang sa mga magbabalak nga Sugbuanon karon, kaniadto, ug sa umaabot. Dako kaayo ang akong pagtahod sa mga magbabalak nga Sugbuanon tungod sa ilang kakugi ug tungod sa ilang gasa sa pagputos sa mga pagbati ug hunahuna ginamit ang tawhanong pulong. Daghang mga butang dinhi niining kalibutan ang makatukmod sa magbabalak paggama og mga balak. Mahimong ang usa ka hunahuna. Mahimong ang yano kaayong bulak sa daplin sa dalan. Mahimong ang hagakhak sa usa ka higala, o kaha pahiyum sa hinigugma. O bisan ang kasanag sa matahum nga bulang naghigda sa dakong mangitngit nga banig sa kalangitan. Bisan kinsa mahimong moggama og maanindot nga balak. Ang bugtong gikinahanglan lamang mao ang pagkamatinud-anon sa kaugalingon, ug ang kabatid sa pinulongan. Busa, kung buot kang mosulat og maanindot nga balak, apan hilaw ang imong kasayuran sa pinulongan, basin usa ka pagtampalas ug pagpanamastamas sa pinulongan ang mahitabo. Dakong nakong ikalipay ang masayran ang imong mga sugyot, dangoyngoy, bagulbol, kalibog, kakurat, kasinatian, pagdayeg, kalagot, kapuol, kasilag, kasuya, hubit, ug uban pa bahin sa mga unod niining bahina. Palihug ipadala ang tanan nimong mga tuyo sa qumran@revolution.net.ph. Kon mahimo, palihug gamita ang pinulongang Sugbuanon. |
Mga UnodSuok sa mga Tigmo-TigmoMao kini mga tigmo nga sayon ra'ng badbaron. Bisan sa gagmay'ng bata dali ra'ng litokon. Kon ugaling aduna ka'y tigmo nga lisud pagsabton, ikaw man ang nagtigmo, imo sa'ng badbaron. (matod ni Yoyoy Villame). Dali, dayon ngari ug badbara kining mga tigmo. Mga Balak ug GarayPagpangayam sa EscarioNgitngit ang gabii. Naghingapin ang biga. Apan sa dalan Escario mahimong mangayam og mga mayang himsog.
Kinilaw Angay gayud nga masuya ta sa isdang kinilaw.
Sugbo, Kumusta Ka? Sugbo kaniadto. Sugbo karon. Sugbong karaan. Sugbong bag-o. May kalahi-an ba?
Kalachuchi Ibabaw sa Karo sa Santo Entierro Pagdayeg alang sa yanong kalachuchi nga nagpanindot sa karo sa Santo Entierro.
Managsoon Nagagikan kita sa usa ra ka tinubdan, apan managsoon ba kita?
Tiwi "Edsa III" ug liso sa kalbasa--duha ka mga makalanag nga kasinatian.
Binhi Ang kinabuhi nahisama sa pagturok, pagtubo, ug paglambo sa usa ka binhi ngadto sa lindog nga kahoy. Sa kinabuhi, ang mapukan ang madaugon.
Human sa Prusisyon sa Dolorosa Inig human sa prusisyon sa Biyernes Santo, daghang mga tawo ang mag-ilogay pagpangutlo sa mga buwak nga nag-adorno sa mga karo. Gamhanan kining mga buwaka.
Duwa-Duwa Kung ikaw magpabilin lamang bata, ang mga kalisud sa kinabuhi daw usa lamang ka duwa.
Kaminyoon Ang kaminyoon sa duha ka naghigugmaay usa ka halandumon ug kahibulongang panghitabo.
Kapalaran Gamhanan ang kapalaran. Ug si bisan kinsa nga nakasinati pag-ayo sa gahum niini kanunay'ng nakigbisog.
Mga Katingala sa Usa Ka Pasahero sa Barko Alang sa kadaghanan, ang paglawig usa ka malaay nga kasinatian, labi na kon sa gabii kini mahitabo. Pipila lamang sa mga pasahero ang maghinuktok sa mga katingalahan sa mangitngit nga dagat.
Kinalimtan Tumang pag-antus ang bati-on sa tawong kinalimtan ug wala pamatia.
Naibog Ako Kanimo Ang tawong naibog sa usa ka tawo mamugos gayud og hulagway sa iyang naibgan. Buhaton niya kini sa maanindot nga paagi.
Ngano Bang Nagpakita Ka Man? Nagpakita siya kanako, ug gipabanaw niya ang akong mga luha ug gihubog ako sa kasubo. Usa ka tampo gikan ni Mark del Valle.
|