Web Hosting by Netfirms | Free Domain Names by Netfirms

Naibog Ako Kanimo

Buhok mo
Labong pa sa lasang
Ngi-ob pa sa ngitngit
Diin ang sidlak sa adlaw
     Gipalong.

Mga pulong mo
Hilum pa sa saba
Saba pa sa hilum
Kanus-a naggakos ang langit ug yuta
     Sa imong baba.

Imong gunit
Hugot pa sa balaod
Lu-ag pa sa hangin
Ug gikuptan mo akong daw ako na lamang
     Ang kaabyan.

Nagpitik
Ang kasingkasing mong naglibog
Linibong kabayong nagkaratil
Diha sa dakong lunhaw nga hawan
     Sa imong dughan.